डडेल्धुरा । नेपाली कांग्रेस डडेल्धुराको जिल्ला सभापति पदका लागि चुडामणि ठकुराठीले उम्मेदवारी घोषणा गरेका छन्। नेपाली कांग्रेसको नियमित जिल्ला अधिवेशनलाई लक्षित गर्दै उनले पार्टीको नेतृत्वमा पुग्ने आकांक्षासहित आफ्नो राजनीतिक पृष्ठभूमि, संगठनात्मक अनुभव र पार्टीमा पुर्‍याएको योगदानलाई अघि सारेका छन्।

पार्टी संगठनभित्र लामो समयदेखि सक्रिय रहँदै आएका ठकुराठीले आफ्नो उम्मेदवारीलाई व्यक्तिगत पद प्राप्तिको विषय भन्दा पनि पार्टीको संगठन सुदृढीकरण, कार्यकर्ताको सम्मान र कांग्रेसको राजनीतिक आदर्शलाई व्यवहारमा उतार्ने अवसरका रूपमा प्रस्तुत गरेका छन्।

उनको उम्मेदवारीले डडेल्धुरा कांग्रेसभित्र नेतृत्व चयन र आगामी संगठनात्मक दिशाबारे हुने बहसलाई थप महत्त्व दिएको वताएकोछ ।

उनी २०५१ सालको आम निर्वाचनमा सक्रिय सहभागी भएका थिए। त्यस पछि २०६२ सालमा नेपाल  क्याम्पसमा इकाइ उपसभापतिको जिम्मेवारी सम्हालेको विवरण पनि उनको राजनीतिक यात्रासँग जोडिएको छ।

त्यस्तै, २०६७ सालमा नेपाली कांग्रेसको महाधिवेशन प्रतिनिधिका रूपमा उम्मेदवारी दिएको, २०६८ सालमा नेपाल विद्यार्थी संघको केन्द्रीय सदस्य बनेको र २०६२ सालमा अधिवेशनको क्षेत्रीय प्रतिनिधिका रूपमा भूमिका निर्वाह गर्दै आएका थिए ।

यी राजनीतिक तथा संगठनात्मक अनुभवलाई उनले जिल्ला सभापतिको जिम्मेवारीका लागि आफ्नो आधारका रूपमा अघि सारेका छन्। विद्यार्थी संगठन देखि पार्टीको विभिन्न तहमा काम गरेको अनुभवलाई जिल्ला तहको नेतृत्वमा उपयोग गर्ने उनको रणनीति देखा परेकोछ।

जिल्ला सभापतिको जिम्मेवारी केवल पद प्राप्तिमा सीमित हुँदैन। पार्टीका नेता तथा कार्यकर्ता बीच समन्वय कायम गर्ने, संगठनलाई सक्रिय बनाउने, गुटगत असमझदारी न्यूनीकरण गर्ने र स्थानीय तहसम्म पार्टीको उपस्थिति प्रभावकारी बनाउने चुनौती सभापति सामु रहे पनि त्यसको सजिलै सामना गर्ने उनले बताए ।

सन्दर्भमा ठकुराठीको उम्मेदवारीले उनको विगतको राजनीतिक अनुभवलाई वर्तमान संगठनात्मक आवश्यकतासँग जोड्ने अवसर प्रदान गरेको छ तर, नेतृत्वका लागि प्रस्तुत गरिएका अनुभवसँगै उनले आगामी दिनमा संगठन सुधारका लागि कस्तो ठोस कार्ययोजना अघि सार्ने भन्ने विषय पनि उत्तिकै महत्त्वपूर्ण हुने वताए ।

विशेष गरी पार्टीका पुराना तथा नयाँ पुस्ताका कार्यकर्तालाई समेट्ने, युवाको सहभागिता बढाउने, जनताका मुद्दामा पार्टीलाई सक्रिय बनाउने र संगठनलाई अनुशासित तथा गतिशील बनाउने विषय जिल्ला नेतृत्वका प्रमुख चुनौती रहेपनि आफ्नो  दावी  सुधारात्मक दिशामा जोड्ने  रहेको वताए ।

नेपाली कांग्रेसका नेता शेरबहादुर देउवाको गृहजिल्ला डडेल्धुरामा पार्टीको जिल्ला नेतृत्व चयनलाई स्वाभाविक रूपमा विशेष चासोका साथ हेरिएको छ भने संगठनात्मक गतिविधि र नेतृत्वको कार्यशैलीले जिल्लाको राजनीतिक वातावरणमा प्रभाव पार्ने गरेको पाईन्छ ।

जिल्ला सभापति पदमा उम्मेदवारी दिएका ठकुराठीका लागि पार्टीभित्रको एकता, कार्यकर्ताको विश्वास र संगठनप्रतिको प्रतिबद्धता महत्त्वपूर्ण आधार बनेक।ो देखिन्छ  नेतृत्व चयनको प्रक्रियामा व्यक्तिगत सम्बन्ध भन्दा संगठनात्मक क्षमता, राजनीतिक दृष्टिकोण र कार्यकर्ता सँगको सम्बन्धले कस्तो भूमिका खेल्छ भन्ने विषय पनि चासोको केन्द्रमा रहेकोछ ठकुराठीको उम्मेदवारीसँगै अब उनको नेतृत्व सम्बन्धी दृष्टिकोण, संगठन सुधारका प्राथमिकता र पार्टीलाई जिल्लामा थप प्रभावकारी बनाउने योजनाबारे स्पष्ट रहेको  वताए ।

राजनीतिक अनुभव र विगतको सक्रियता नेतृत्वका महत्त्वपूर्ण आधार भए पनि त्यसलाई व्यवहारमा रूपान्तरण गर्ने क्षमता नै नेतृत्वको वास्तविक परीक्षा हो उनलेे भने।

नियमित जिल्ला अधिवेशनबाट नेतृत्व चयन हुँदै गर्दा नेपाली कांग्रेस डडेल्धुराका नेता तथा कार्यकर्ताले पार्टीलाई एकताबद्ध बनाउने, संगठनलाई बलियो पार्ने र जनतासँगको सम्बन्धलाई थप सुदृढ गर्ने नेतृत्वको अपेक्षा गर्नु स्वाभाविक छ।

ठकुराठीको उम्मेदवारीले यी अपेक्षा पूरा गर्न कस्तो दिशा लिन्छ भन्ने कुरा उनका आगामी प्रतिबद्धता, कार्ययोजना र अधिवेशनमा प्राप्त हुने समर्थनले निर्धारण गर्ने वताए ।